Ski-Weekend in der Lenk

4.1.19 isch erscht uf em Kaländer vom nöie Johr gstange u scho heisech es paar vom Satus Burgdorf uf d Schii gwogt a dr schöne Lenk. Troumhafts Wätter hei mir dörffe gniesse, bis mir am Nomitag nochli im Hotel Hallebad Muskle glockeret hei. Bim Apèro ir Hotelbar isch du das chline Grüppeli für e erscht Tag zämä cho, bevor mir üs anes feins Nachtässe hei chönne stürze. No e Schlummerdruck u när simer müed is Bett.

5.1. isch  Diskussion zersch gsi, weimer ueche oder ni  u wenn jo wenn. Knuttis heis früech gwogt u d Susanne het uf s Grüppeli gwartet wo ersch am Samschti agreist isch. 1.5 Stung isch guet gange zum Schifahre, när hetz scho afo Schneierle, d Anita u s Lisi Hueber si mit dr Gondle uf e Stoos cho wo mir Schifahrer du ou es Mittagspöiseli gmacht hei. Die erschte heis ufgä mit Schifahre u die herte si no es paar mou ueche. 

 


Dr spöter Nomitag heimer mit Schifahre luege im Fernseh gnosse, bevor mir üs wider ir Hotelbar troffe hei, do si i dere Bar chli gittig mit Chips u Nüssli si gsie, isch du s Lisi Knutti churzerhand grad go e Königschueche Chouffe, u so heimer mit em Hausi no dr Länker König erkore. Widwr hei mir es feins Nachtässe chönne gniesse, bis mir du d Hunderter Nötli oder ou chli chlineri hei wöue los wärde u mir üs i Grappa oder Baileys gstürzt hei.
6.1 hetz gar nid weue passe mit Schifahre, so si mir nach em Morgeässe und Ustschegge gäge s Kuspo Glüffe dört heimer abgha zum Länkerseeli u si dert no haub ume Glüffe. Scho hei mir s Kaffe Kuhnen gsichtet, wo mir du no e zwüsche Stopp gmacht hei. Dr Sämu hetz zoge richtig Bärg u so isch är go Schi reiche und isch nochli uf Pischte. Die erschte si du hei zue oder heis nochli gmüetlech gno, bis Du dr Sämu vor Pischte isch cho u ou das Outo heizue ischg ange.
Fazit: Mir si e chlini cooli Truppe gsi u heis schön gha zämä!